vasl ki banti hain in baton se tadbeeren kahin-hasrat mohani

وصل کی بنتی ہیں ان باتوں سے تدبیریں کہیں

آرزوؤں سے پھرا کرتی ہیں تقدیریں کہیں

بے زبانی ترجمان شوق بے حد ہو تو ہو

ورنہ پیش یار کام آتی ہیں تقریریں کہیں

مٹ رہی ہیں دل سے یادیں روزگار عیش کی

اب نظر کاہے کو آئیں گی یہ تصویریں کہیں

التفات یار تھا اک خواب آغاز وفا

سچ ہوا کرتی ہیں ان خوابوں کی تعبیریں کہیں

تیری بے صبری ہے حسرتؔ خامکاری کی دلیل

گریۂ عشاق میں ہوتی ہیں تاثیریں کہیں

वस्ल की बनती हैं इन बातों से तदबीरें कहीं

आरज़ूओं से फिरा करती हैं तक़दीरें कहीं

बे-ज़बानी तर्जुमान-ए-शौक़ बेहद हो तो हो

वर्ना पेश-ए-यार काम आती हैं तक़रीरें कहीं

मिट रही हैं दिल से यादें रोज़गार-ए-ऐश की

अब नज़र काहे को आएँगी ये तस्वीरें कहीं

इल्तिफ़ात-ए-यार था इक ख़्वाब-ए-आग़ाज़-ए-वफ़ा

सच हुआ करती हैं इन ख़्वाबों की ताबीरें कहीं

तेरी बे-सब्री है 'हसरत' ख़ामकारी की दलील

गिर्या-ए-उश्शाक़ में होती हैं तासीरें कहीं

vasl ki banti hain in baton se tadbeeren kahin

arzuon se phira karti hain taqdeeren kahin

be-zabani tarjuman-e-shauq behad ho to ho 

varna pesh-e-yar kaam aati hain taqreeren kahin 

mit rahi hain dil se yaden rozgar-e-aish ki

ab nazar kaahe ko aengiye tasveeren kahin 

iltifat-e-yar tha ik ḳhwab-e-aghaz-e-vafa 

sach hua karti hain in ḳhwabon ki taabeeren kahin

teri be-sabri hai 'hasrat' kham-kari ki dalil

girya-e-ushshaq mein hoti hain tasiren kahin